پلندری: نئے صدارتی کالے قوانین کے خلاف ہزاروں افراد کا احتجاج، شہر پر مظاہرین کا کنٹرول

پاکستانی زیرِ انتظام: آزاد کشمیر کے ضلع پلندری میں نئے صدارتی کالے قوانین کے خلاف ہزاروں لوگ احتجاج کرتے ہوئے سڑکوں پر نکل آئے۔ آج صبح سے ہی پلندری کے مختلف علاقوں سے قافلے شہر کی جانب روانہ ہونا شروع ہو گئے تھے۔

انتظامیہ نے مظاہرین کو روکنے کے لیے بھاری پولیس نفری تعینات کی تھی، لیکن احتجاج کرنے والوں کی تعداد اتنی زیادہ تھی کہ پولیس فورس صورتحال کو کنٹرول کرنے میں ناکام ہو گئی۔ حالات کے پیش نظر پلندری انتظامیہ کو پیچھے ہٹنا پڑا، اور اس وقت شہر مکمل طور پر مظاہرین کے کنٹرول میں ہے۔

احتجاجی مظاہرین زور و شور سے کشمیر کے حق میں اور نئے کالے قوانین کے خلاف نعرے بلند کر رہے ہیں۔ مظاہرین نے واضح کیا ہے کہ وہ اپنے حقوق کے تحفظ کے لیے کسی قسم کی قربانی سے دریغ نہیں کریں گے اور احتجاج جاری رکھیں گے۔

یہ صورتحال آزاد کشمیر میں عوامی بے چینی اور حکومتی پالیسیوں کے خلاف بڑھتے ہوئے غصے کی عکاسی کرتی ہے۔ احتجاج کے باعث شہر میں معمولاتِ زندگی مکمل طور پر معطل ہیں، اور عوامی دباؤ کے پیش نظر حکومت کی جانب سے کسی بڑے فیصلے کی توقع کی جا رہی ہے۔