Wohi Ali (A.S.) jo Babae Hussain (A.S.) the,
Wohi Ali (A.S.) jo Jaan-e-Hasan (A.S.) the,
Wohi Ali (A.S.) jo Fatima (A.S.) ke taaj the,
Wohi Ali (A.S.) jo ilm ki laaj the,
Wohi Ali (A.S.) jo sidq ki pehli gawahi the,
Wohi Ali (A.S.) jo Nabi (S.A.W.) ke bhai the,
Wohi jo Karbala par sabir the,
Wohi jo tashnagi par shakir the,
Wohi jo… jinko dekh dushman larazte the,
Wohi jinki Zulfiqar se kuffar darte the,
Wohi jinke liye Nabi (S.A.W.) ne kaha:
“Ali (A.S.) mujh se hain aur main Ali (A.S.) se hoon.”
Kabhi kaha:
“Main ilm ka shehar hoon aur Ali (A.S.) uska darwaza hai.”
Kabhi faislon ki nobat aaye to yeh farmaya:
“Ali (A.S.), tum sab mein behtareen faisla karne wale ho.”
Help us expose the truth
The Azadi Times is funded by readers like you. No corporate sponsors. No government influence. Just fearless reporting.
Ali (A.S.) ka jo Nabi (S.A.W.) se talluq hai,
Jo rooh ko jism se ya sar ko badan se hota hai.
Wohi woh jinko hai izzaz-e-wafa hasil,
Jinke liye Nabi (S.A.W.) ne farmaya:
“Jis ka main mola (madadgar, sarparast) hoon, uska Ali (A.S.) bhi mola hai.”
Wohi jinko bauqat-e-namaz shahadat ka izzaz hua hasil,
Wohi jinhone qaatil ke liye bhi,
Muhabbat mein rehm ka hukam kiya raaij.
Wohi jo sabr-o-wafa, isaar ka paikar the,
Aaj unki shahadat par arwaah par aqeedat hain.
Mere Allah, tu un se raazi aur bhi ho ja,
Humein toh woh shujaat, woh muhabbat,
Ishq-e-Islam ki beqarari de,
Humein unke naqsh-e-pa par taufeeq-e-janbazi de.
By: Naveeda Benish
______________🖤
